Trajneri i kombëtares shqiptare, Cristian Panucci ka shpallur listën e lojtarëve që ka grumbulluar për ndeshjen miqësore të 13 nëntorit në Antalia përballë Turqisë. Bien në sy dy lojtarë të rinj të afruar nga tekniku italian, është Astrir Ajdarevic që luan për AEK dhe Ylber Ramadani që luan në Danimarkë me ekipin e Veljes. Ky i fundit në marrëveshje me teknikun e kombëtares U-21, do ti bashkohet skuadrës në 11-nëntor, pasi është i angazhuar ne skuadrën U-21 në ndeshjen zyrtare të eliminatoreve në Tiranë në 10-nëntor. Ndërsa nga kampionati shqiptarë mister Panucci ka grumbulluar portierin e Partizanit, Alban Hoxhën dhe mesfushorin e Skënderbeut Sabien Lilajn. Përballë Turqisë do të jetë një test mjaft i mirë për kombëtaren tonë, pasi do të kenë përballë një ekip që ka në përbërje disa yje të futbollit botëror. Nga ky takim stafi drejtues do të përzgjedhë edhe disa lojtarë që do të jenë pjesë e kombëtares në Kupën e konfederatave që do të zhvillohet vitin e ardhshëm dhe në eliminatoret e Europianit 2020.
