Strakosha është duke shijuar momentin më të mirë në karrierën e tij në Serie a. Ai tashmë ka siguruar një vend titullarë tek Lazio, duke e merituar plotësisht pas performancës që ka bërë në fushë. Ai tashmë renditet ndër portierët më të mirë në kampionatin italian dhe lacialët i kanë rinovuar sërish kontratën. Pasi i priti penalltinë Dybalas dhe i dhuroi fitoren Lazios në një fushë aq të vështirë si ajo e Juventusit dhe në minutën e fundit ai u shndërrua në një idhull për tifozët. Por jo më kot ai është në këto nivele, pasi që në moshë të vogël ka qenë mjaft i përkushtuar në stërvitje dhe gjithmonë qante kur gabonte. Deri tani janë zhvilluar 11 javë në Serie A, ku portieri i kombëtares shqiptare mbanë vendin e dytë sa i përket pritjeve që kanë bërë në ndeshje, nw statistikat e nxjerra nga “Gazeta dello Sport”.
E përditshmja sportive italiane ka përpiluar një listë ku renditen portierët më të mirë të “Seria A” deri në këtë moment në bazë të përqindjes së pritjeve për ndeshje. Strakosha renditet i dyti me 78.9% pritje dhe më mirë se ai ka bërë vetëm portieri i Romës, Alisson, me 86.5% pritje. 22-vjeçari shqiptar ka arritur të lërë pas emra si Handanoviç që po tregon superformë me Interin javë pas jave, apo edhe Bufon e Donaruma, të cilët janë edhe dy gardianët më të përfolur në Itali për cilësitë e tyre.
