Girona merr një fitore spektakolare përballë Real Madrid, duke bërë një përmbysje të madhe në katër minuta. Kjo ishte një goditje mjaft e madhe për madrilenët, të cilët pas kësaj humbjeje janë me vetëm 20 pikë në vendin e tretë dhe në -8 nga Barcelona.
Formacioni i teknikut Zidane e nisi mjaft mirë duke shënuar gol që në minutën e 12’ me anë të Isco. Më pas tentuan të dyfishojnë rezultatin në pjesë të parë me Ronaldo dhe Benzema, por katalanasit u rreshtua mjaft mirë mbrapa. Pjesa e dytë nisi mirë për madrilenët që dukeshe se do ta dominonin lehtë ndeshjen, por në katër minuta vendasit përmbysin gjithçka. Në minutën e 54’ është Stuani që barazon rezultatin, pas një topi të mbetur në zonë. Ndërsa në të 58’-ën, sërish ai godet portën, por Navas pret dhe topi kthehet në zonë, ku Maffeo e ka të lehtë të pasojë për Portu i cili e dërgon në rrjetë me finte. Ronaldo me shokë hidhen në sulm për të barazuar rezultatin, por cdo përpjekje e tyre e dëshpëruar nuk u konkretizua në rrjetë. Kjo solli edhe një humbje të Real Madrid, e cila e bën ,ë të vështirë rrugën e tyre në kampionat.
https://www.youtube.com/watch?v=Lj_TanSTYa8&ab_channel=PremiumSintesi
