Shtetet e Bashkuara të Amerikës kanë kryer sulmin e parë ajror kundër ISIS në Jemen.
Nga sulmi kanë mbetur të vrarë dhjetëra militantë si dhe janë shkatërruar kampet e stërvitjes.
Lajmi bëhet i ditur nga një komunikatë e lëshuar nga Pentagoni, ku shkruhet:
“Sulmet kanë minuar përpjekjet e organizatës për të stërvitur luftëtarë të rinj. ISIS ka përdorur territore jashtë kontrollit të Jemenit për të planifikuar, drejtuar, frymëzuar dhe rekrutuar anëtarët e tij për sulme terroriste kundër Amerikës dhe aleatëve të saj në të gjithë botën. Për vite të tëra Jemeni ka qenë një vatër për terroristët”.
Po ashtu, në deklaratë thuhet më tej se forcat amerikane po kryejnë operacion në Gadishullin Arabik për reduktimin e forcave të ISIS dhe Al Kaedës.
