Ambasada Amerikane në Tiranë ka dhënë para pak minutash një njoftim me rëndësi për të gjithë ju që jeni të interesuar për Lotarinë Amerikane.
Si pasojë e problemeve teknike, mësohet se aplikimet e bëra deri më tani do të duhet të ribëhen që të merren në konsideratë. Kjo nënkupton sërish shpenzime për ju që keni aplikuar në foto-studio, pa përmendur kohën.
Ndërkohë, për të gjithë ju që prisnit të aplikonit, Ambasada njofton se regjistrimet për lotarinë do të hapen ditën e mërkurë më 18 tetor, në orën 18:00 dhe do të mbyllen më 22 nëntor, ora 17:00.
POSTIMI I AMBASADËS:
Për shkak të problemeve teknike, periudha e regjistrimit për Lotarinë DV-2019 do të rifillojë nga e para. Të gjitha regjistrimet e bëra përpara datës 18 tetor 2017 do të duhet të ribëhen në mënyrë që të merren në konsideratë. Ne na vjen keq për shqetësimin e krijuar për aplikantët e vizave të shumëllojshmërisë. Për të siguruar drejtësi dhe për të mbrojtur integritetin e procesit për të gjithë ata që janë të interesuar, ne duhet ta rifillojmë procesin e regjistrimit për këtë vit (DV-2019). Periudha e re e regjistrimit për Lotarinë DV-2019 do të hapet të Mërkurën, 18 tetor 2017, në orën 18:00 ora lokale e Shqipërisë dhe mbyllet më 22 nëntor 2017, ora 17:00 ora lokale e Shqipërisë. Nëse keni ndonjë pyetje mbi regjistrimin, jeni të mirëpritur të na shkruani këtu. Udhëzimet e Lotarisë gjenden tek faqja e Ambasadës në: https://goo.gl/5SjV6h #AskAnna
