Dënohet me 4 vjet burg 65-vjeçari, i cili dhunoi politikanen Radmilla Sheqerinska, kur protestuesit hynë me dhunë në Parlamentin e Maqedonisë.
Anglov e kishte kapu për flokësh deputeten, tashmë ministre e Mbrojtjes në Maqedoni, pamje këto që u transmetuan gjerësisht në televizion dhe rrjetet sociale.
Sulmi ndodhi në periudhën e krizës politike paszgjedhore në Maqedoni, e cila u përshkallëzua me zgjedhjen e politikanit shqiptar, Talat Xhaferi, kryetar të Kuvendit të Maqedonisë.
Nga depërtimi në parlament ishin lënduar më se 100 vetë, përfshirë 10 ligjvënës.
I dënuari Anglov ka kërkuar falje në gjykatë për incidentin në parlament.
