Policia gjermane ka parandaluar atë që konsiderohet si grabitja e shekullit në Gjermani. Ngjarja ka ndodhur në Koblenz, ku një shqiptar dhe një italian, kishin planifiikuar të grabisnin një automjet të blinduar që transportonte para në landin Rheinland-Pfalz të Gjermanisë.
Ndërhyrja e policisë në momentet e fundit ka bërë një grabitja të dështojë, ndërsa autorët do të përdornin armë zjarri të llojit kallashnikov për të realizuar qëllimin e tyre.
Policia arriti të arrestonte shqiptarin në rajonin e Neuwied, ndërsa i dyshuari tjetër në këtë ngjarje, italiani, pas marrjes në pyetje është lënë i lirë.
I dyshuari aktualisht po mbahet në arrest në nga burgjet e landit dhe pas kësaj e pret ekstradimi në Itali, ka njoftuar Prokuroria e Përgjithshme e Koblenzit agjencinë gjermane te lajmeve DPA.
Sipas mediave, të dyshuarit do të sulmonin me armë automatike transportuesin e blinduar i cili transporton disa milionë euro.
Mendohet se i arrestuari është pjesë e një bande që ka kryer disa vjedhje të ngjashme në Itali.
