Prokuroria e Krimeve të Rënda ka kërkuar burg përjetë për David Qosen. Ky i fundit vrau para një viti efektivin e policisë Ardian Kodra, gjatë një aksioni për kapjen e tij në Torovicë të Lezhës.
Qosja ka pretenduar se kishte probleme mendore, ndërsa ekspertiza e nxori atë të aftë mendërisht.
Kështu, pas hetimeve, Prokuroria ka kërkuar nga Gjykata që ai të dënohet me burg të përjetshëm, teksa Qose akuzohet edhe për tentativën e vrasjes së 2 policëve.
Ngjarja e rëndë ndodhi para një viti në Lezhë, ku FNSH e Shkodrës kreu një operacion pas njoftimit se një person po terrorizonte banorët në fshatin Torovicë.
David Qosja iu kundërpërgjigj efektivëve, duke zbrazur automatikun drejt tyre, ku fatkeqësisht mbeti i vdekur Ardian Kodra.
