Janë mbyllur edhe tre grupet e mbetura në fazën eleminatore të Botërorit rusi 2018. Në grupin A është Franca koka e grupit dhe siguron biletën direkt për në finalet e botërorit. Suedia mban vendin e dytë pavarësisht humbjes nga Holanda dhe barazimin me pikë ndaj saj. Holandës së Robbrn i duheshe të fitonte të paktën me 7 gola diferencë që të siguronte një vend në play off, gjë që dukej e pamundur dhe nuk u arrit.
Portugalia e Ronaldos merr kreun e grupit, pasi mund në shtëpi Zvicrën e shqiptarëve me rezultat 2-0, edhe pse me pikë të barabarta golavarazhi është në favor të portugezëve që fluturojnë direkt për në Rusi. Zvicera nga ana tjetër do të renditet e dyta dhe do të ketë edhe një përballje tjetër mjaft të vështirë në play off për të siguruar botërorin.
Në grupin H, Belgjika ka siguruar javë më parë vendin e parë dhe pjesëmarrjen në botëror vitin e ardhshëm. Lufta ishte mes Greqisë dhe Bosnjes se kush do të kalojë në fazën play off, por ky vend u fitua nga grekët të cilët nuk mund të gabonin në ndeshjen përballë Gjibraltarit dhe fitojnë 4-0. Bosnja nga ana tjetër fiton 1-2 përballë Estonisë, por kjo fitore nuk vlejti për kualifikim.
