Në mënyrë të befasishme, Gerard Pique, ka dalë në konferencë për shtyp në “Las Rozas”, pika e grumbullimit të kombëtares spanjolle, ku po vazhdojë përgatitjet për eliminatoren kundër Shqipërisë në Alicante.
“Më vjen shumë keq për shokët e mi. Për fajin tim janë ata mbuluar me pyetje në lidhje me mua dhe me politikën dhe kjo nuk është e drejtë. Kjo është arsyeja përse erdha të përgjigjem vetë për pyetjet që keni” është shprehur qendërmbrojtësi Spanjës.
Angazhimi në kombëtare
“Është e pamundur që të dyshoni në angazhimin tim në ekipin kombëtar, unë jam këtu që prej 15 vjetësh. Për mua ekipi kombëtar spanjoll është një familje. Jam shumë krenar që jam pjesë e përfaqësueses spanjolle. Dua të fitoj tituj me një grup lojtarësh që janë unikë “.
Fyerjet e tifozëve në stërvitje
“Stërvitja ditën e hënë ishte shumë e vështirë. Fyerjet tregojnë agresivitet dhe kjo nuk është diçka e mirë, por e kuptoj. Trajneri dhe bashkëlojtarët donin që të isha këtu. Jam i përqëndruar te qëllimi që kemi që një vit për ta finalizuar me sukses në Kupën e Botës.”
Referendumi
“Njerëzit në Katalonjë kanë të drejtën e tyre për të votuar. “Po”, “Jo” ose çfarëdo që të jetë. Disa njerëz mendojnë se nuk duhet të kisha votuar. Unë i respektoj zgjedhjet e secilit. Por shikni, ne nuk jemi vetëm futbollistë.”
Marrëdhënia me Ramos
“Ajo që shkruajnë nëpër media dhe rrjetet sociale për mua dhe Ramos është e gjitha një gënjeshtër. Marrëdhënia ime me Sergion është fenomenale” – ka thënë Pique.
