Studentët e diplomuar shqiptarë do të kenë mundësi të përfitojnë bursa studimi universitare dhe pasuniversitare në Itali.
Italia do të ofrojë 6 bursa studimi me një kohëzgjatje prej 3 muaj secila për nxënësit më të mirë të klasave të 12-ta të seksioneve dy-gjuhëshe italo-shqiptare në Tiranë, Shkodër dhe Korçë, ndërsa 54 bursa studimi pasuniversitare ofrohen për studentët shqiptarë në universitetet italiane në fusha kërkimore, studime pasuniversitare doktoraturë, master, specializime.
Avantazh për marrjen e bursës kanë kandidatët e rinj, ndërsa shpërndarja e fondit për bursat do të fillojë pas datës 1 janar 2018.
Studimet përkatëse me bursë mund të kryhen pranë universiteteve, instituteve të formimit të lartë artistik e muzikor, instituteve të restaurimit, shkollave kombëtare të kinematografisë, qendrave e laboratorëve kërkimorë etj.
