Manchester United i këtij sezoni nuk njeh humbje. Mourinhio duket se ka ndërtuar një ekip fantastik që deri tani pavarësisht dëmtimeve ka arritur tia dalë shumë mirë. Përballja e sotme ishte me Crystal Palace e vendit të fundit që ishte në kërkim të pikës së parë edhe pse janë luajtur 7 javë. Por ‘djajtë e kuq’ nuk falin dhe e shkatërrojnë 4-0, duke treguar edhe një lojë mjaft bindëse.
Ndeshja për skuadrën mike thuajse mbaroi që në vërshëllimën e parë të arbitrit pasi Juan Mata në minutën e 3-të zhbllokoi takimin. Pjesa e parë u mbyll me rezultatin 2-0 pasi Fellaini do të dërgonte në portë krosin perfekt të Ashley Young.
Pak minuta pas fillimit të së dytës, ishte sërish belgu Fellaini që realizon golin e dytë përsonal dhe të tretin për “djajtë e kuq”. Shifrat përfundimtare nuk kishte se kush ti stamponte tjetër përveçse Romelu Lukaku.
Kjo është fitorja e 4-rt e Manchester United me të tillë rezultati, 4-0. Shifra të frikshme golash duke patur parasysh se edhe në mesjavë mposhtën CSKA-në me rezultatin 1-4. Pas javës së 7-të në kampionat, United renditet e para me 19-të pikë, 3 më pak se City që në orën 18:00 luan super duelin me Chelsea-n në “Stamford Bridge”.
https://www.youtube.com/watch?v=4YlhDnvznFI&ab_channel=ClassyFootball-Highlights
