Hamdi Salihi ish bomberi i Skënderbeut e nisi me shumë gola sezonin tek ekipi austriak Neudstadt që militon në kategorinë e dytë në Austri. Salihi ishte shumë deçiziv me golat e tij duke e mbajtur në vendin e parë ekipin e tij. Pas disa javësh qetësi shkodrani është rikthyer sërish tek goli, i cili ka qenë deçiziv për marrjen e tre pikëve të radhës dhe për të mbrojtur kreun e tabelës.
Ekipi që militon në Kategorinë e Dytë austriake ka fituar në transfertë kundër Hartberg me rezultatin 0-1 falë golit të shkodranit. Sailihi ka bërë atë që di të bëj më mirë si një ‘vrasës zone’ duke goditur saktë dhe bukur një top të kthyer në zonë nga shoku i skuadrës.
Pas 13 javësh kampionat, Neudstadt mban vendin e parë me 27-të pikë, 1 më shumë se Ried i vendit të dytë. Ndërsa Salihi sa i takon golashënuesit të kampionatit renditet i dyti me 9-të realizime, 1 më pak se futbollisti i Ried, Chabbi.
https://www.youtube.com/watch?v=RrSUy4Gv5zA&ab_channel=KasiaKasik
