Kukësi mposht Egnatian 4-0 në Kupën e Shqipërisë, por nuk i gëzohet shumë kësaj firoteje. Në këtë sfidë janë dëmtuar Bakaj dhe Shtubina, gjendja e të cilëve do të vlerësohet në ditët në vazhdim. Trajneri Milinkovic është mjaft i shqetësuar për lëndimet që ka në ekip, pasi do të përballet me Skëndebeun dhe cdo lojtarë është i vlefshëm në një sfidë të tillë.
Në minutën e 13-të të takimit, Elis Bakaj, që ishte aktivizuar nga trajneri Milinkoviç që në start, ka pasur një dyluftim me Voglin e Egnatias dhe ka mbetur i shtrirë në tokë.
Lojtari kërkon menjëherë ndihmën e mjekëve, pasi ndien dhimbje në legen dhe nuk ia del që të vazhdojë takimin. Trajneri Milinkoviç e zëvendëson menjëherë me Shtubinën, i cili gjithashtu do të ketë të njëjtin fat. Në minutën e 83-të, lojtari është rrëzuar në tokë, pas një dhimbjeje që ka pasur në kofshë, megjithatë ai ka mbyllur takimin.
Gjendja e tij do të vlerësohet në ditët në vijim, ndërsa te Kukësi për momentin të gjithë janë të shqetësuar për gjendjen e Bakajt, pasi të hënën korçarët do të luajnë ndaj Skënderbeut në kampionat.
Të tjerët – Por situata e dëmtimeve te Kukësi nuk është shumë e qetë, pasi probleme me dëmtimet kanë edhe Shameti, Koliçi e Hallaçi. Megjithatë në ditët në vijim do të shihet edhe forma e tyre.
