Ka nisur shqyrtimi i Aktit Normativ të Buxhetit të Shtetit në Komisionin e Ekonomisë. I pranishëm në këtë komision, ministri i Financave, Ekonomisë dhe Punës, Arben Ahmetaj ka prezantuar ndryshimet në buxhet.
Sipas tij, këto ndryshime nuk prekin nivelin e borxhit, ndërsa tha se rritja ekonomike prej 3.8% ka ardhur si pasojë e investimeve dhe eksporteve.
“Ndryshimet në buxhet nuk prekin nivelin e borxhit. Rritja ekonomike me 3.8% për 2017 është rezultat i investimeve, eksporteve. Kemi bërë një rialokim fondesh 3.5 miliard për energjinë. Kemi bërë një rialokim fondesh prej 1.2 miliard për emergjencat civile”.
Teksa nënkryetarja e Komisionit të Ekonomisë, Jorida Tabaku tha se OSHEE ka detyrime të prapambetura, të cilat arrijnë vlerën 100 milionë euro, Ahmetaj iu përgjigj:
“Nuk ka detyrime të prapambetura, ka fatura të spostuara në kohë”.
