Një 24-vjeçar shqiptar është plagosur me armë zjarri rreth orës dy të mëngjesit. Ngjarja ka ndodhur në një lokal në Brianza të Italisë.
I riu me inicialet I.B., u shoqërua në spitalin e Desios nga një bashkatdhetar, i cili ishte me të në momentin e agresionit.
24-vjeçari nuk mundi t’i mbijetonte plagëve dhe për pasojë ka vdekur pasi ka mbërritur në spital me dy plumba.
Sipas medieve italiane, nga rrëfimi i mikut të 24-vjeçarit kanë dalë në përfundim se ngjarja është mbushur plot mister.
Miku i viktimës ka dëshmuar se ekzekutimi ndodhi gjatë qëndrimit në një makinë pranë një klubi nate në Brianza, pranë Milanos-Meda. Një makinë i ka rrethuar të dy shqiptarët, dhe një person hapi zjarr ndaj 24-vjeçarit, duke u larguar më pas me vrap.
