Kryeministri ka kërkuar që ministrat dhe deputetët të dhurojnë gjak, për shkak të mungesës së tij në spitale.
Në përfundim të fjalimit të mbledhjes së grupit parlamentar, Rama bëri edhe një batutë, teksa tha se dhurimi i gjakut ndihmon jo vetëm për trupin, por edhe për imazhin, teksa është krijuar ideja se politikanët vetëm marrin gjak.
“Ne në kryeministri kemi bërë çdo vit dhurimin e gjakut. E para njëherë është e mirë edhe për interes egoist, për trupin e gjithsecilit, bën shumë mirë që ta dini. Por përveç kësaj, është realisht një situatë e vështirë për fëmijët që kërkojnë gjak. Dhe në momentin kur ka një lloj aktiviteti sensibilizues, menjëherë ka një rritje të dhurimit. Kshu që i kam kërkuar kryetarit të grupit parlamentar që të organizojë një seancë dhurimi gjaku edhe deputetëve. Dhe mirë bën edhe nga pikëpamja e imazhit të deputetit përpara popullit se balancon atë idenë se ne vetëm pimë gjak dhe krijon një ide që ne edhe mund të japim gjak”, tha Rama.
Më tej,kjo deklaratë është sqaruar nga zyra e Kryeministrisë, e cila ka shpërndarë pamjet e dhurimit të gjakut nga shefi i qeverisë dhe jo vetëm.
Zyra e shtypit të Kryeministrisë, e pa të nevojshme të sqarojë se “i pari i qeverisë” e kishte me humor kur foli për pirje gjaku.
