Për çiftet e sapomartuara fraza që mund të dëgjojnë me shpesh është: “kur do bëheni me një fëmijë, është koha dhe momenti i duhur”.
Disa mund të mendojnë kështu por, ka të tjerë që nuk bien dhe shumë dakord me këtë “rregull” të shoqërisë. Çiftet pa fëmijë mund të kërkojnë kohë për të menduar nëse është “shumë shpejt” ose “koha e duhur”.
Ne mendojmë që një gjë e tillë nuk mund të parashikohet, por para se të merrni një vendim duhet të dini:
1-Të pasurit një fëmijë është një vendim i përbashkët
Baza e një marrëdhënieje të shëndetshme është ndershmëria dhe respekti i të dy partnerëve. Ju nuk mund të injoroni dëshirat e partnerit. Prandaj, për të shmangur konfliktet e ardhshme dhe keqkuptimet, duhet të diskutoni më përpara për çështjen e fëmijës.
2-Një fëmijë nuk do të shpëtojë marrëdhënien tuaj
Ndonjëherë foshnjat e sapolindura mund të përmirësojnë një martesë duke tërhequr vëmendjen e plotë të prindërve dhe duke i bërë ata të harrojnë problemet e tyre. Por ana tjetër, ndryshimet dhe konfliktet që mund të ndodhin pas lindjes së foshnjës mund të bëjnë një martesë të dështojë. Fëmija nuk është paqebërës, por ai ose ajo meriton të lindë në një familje të lumtur.
3-Është një fëmijë, jo një model i përsosur
Shumë prindër kanë ëndrra për pamjen dhe talentet e ardhshme të fëmijës. Por ata duhet të kuptojnë që fëmija mund të mos jetë ashtu siç ata e kanë ëndërruar. Ata duhet t’i pranojnë dhe t’i ofrojnë sa më shumë dashuri.
4-Jini realistë në lidhje me aftësitë tuaja
Asnjë prind nuk është perfekt, por mos u ndjeni të pashpresë para se ta filloni këtë kapitull. Kuptoni cilat janë papërsosmëritë tuaja të vogla dhe jini gati të punoni për t’i rregulluar.
5-Mos e ndryshoni jetën tuaj sipas standardeve të dikujt tjetër
Interneti është i tejmbushur me përshkrimet se si të kesh një “jetë perfekte”: kur duhet të keni një fëmijë, çfarë do të thotë një familje e plotë … Mjaft me këtë! Askush nuk mund t’ju thotë se kur është momenti i përsosur për ju. Ju duhet ta ndjeni vetë këtë ndjenjë.
6-Vlerësoni saktësisht problemet e mundshme në të ardhmen
Disa çifte mendojnë se të pasurit një fëmijë është një proces zbavitës. Do të argëtoheni shumë me të, sigurisht, por do të këtë edhe shqetësime. Imagjinoni vetëm ndikimin që ka një fëmijë në gjendjen mendore të prindërve. Pra, duhet të jeni gati për çdo gjë dhe të përgatiteni.
7-“Shtatzënia” dhe “makthi” nuk janë sinonime
Nuk është e nevojshme të bësh një hedhje me parashutë për të luftuar frikën nga lartësitë. I njëjti rregull vlen edhe për shtatzëninë: disa shqetësime mund të reduktohen paraprakisht.
8-Ju jeni gati të rriteni si prind
Fëmija juaj është një “mekanizëm” kompleks. Modaliteti i qarjes mund të aktivizohet në çdo moment dhe nuk ka buton për ta fikur menjëherë. E gjitha kjo është në dorën tuaj, ju duhet ta kontrolloni veten si fillim në një rast të tillë dhe më pas të qetësoni fëmijën.
9-Vendimi për t’u bërë prindër nuk duhet të jetë i imponuar nga të tjerët
Ne kemi dëgjuar shumë histori nga më të vjetrit që thonë se është shumë e vështirë të rrisësh një fëmijë. Të kesh një bebe është vetëm vendimi yt. Duhet të mendosh për dëshirat dhe aftësitë e tua dhe të harrosh atë që të gjithë të tjerët mendojnë.
