Liderët e Luginës së Preshevës e kanë mirëpritur zgjedhjen e Ramush Haradinajt në krye te Qeverisë. Ata njëzëri kanë uruar Kosovën dhe vet Haradinajn për detyrën e re në postin e Kryeministrit te Republikës së Kosovës.
Kryetari i Krahinës së Lugnës Jonuz Musliu, i cili njëherazi është edhe kryetar i KKSH-së dhe Kuvendit Komunal në Bujanoc, ka uruar ne emër te Luginës së Preshevës zgjedhjen e Ramush Haradinajt, në krye te qeverise shqiptare në Kosovë.
Presheva ka sytë nga Haradinaj, me shpresë se do të jetë i vetmi kryeministër që do të realizojë kërkesat e shqiptarëve nga Lugina
“Më ka gëzuar shumë lajmi për zgjedhjen e mikut tim dhe bashkeluftetarit tonë të Luginës, për kryeministër Kosove. Kam besimin e plotë se kryeministri i ri, do të angazhohet për forcimin e perspektivës evropiane, jo vetëm të bashkëkombësve tanë, por edhe të shqiptarëve jashtë shtetit amë, me shprese se do te reflektohet pozitivisht edhe ne përmirësimin e gjendjes se shqiptarëve ne Luginën e Preshevës..”, ka deklaruar z.Musliu për agjencinë e lajmeve “Presheva jonë”
Jam i bindur thellë se kontributi i kryeministrit Haradinaj, do të jetë edhe më i madh ndaj Luginës së Preshevës, i cili është njëri nga personalitetet e shquara politike e institucionale, që më së shumti i ka kontribuar Luginës ne forma te ndryshme dhe është lideri më i informuari për gjendjen e vështirë të shqiptarëve të këtij rajoni. Haradinaj është një copë e Kosovës Lindore i cili luftoi edhe ne trojet tona ne Luginë. Kur ai ishte në gjendje t’i ndihmojë Lugines ne luftë, sigurisht tash roli i tij ne paqe do të jetë edhe më i madh”, thekson në mesazhin e tij përgëzues, Jonuz Musliu, kryetar i KKSH.
Presheva ka sytë kah Haradinaj, me shprese se do te jetë i vetmi kryministër që do të realizoje kërkesat e shqiptareve nga Lugina. Sipas Musliut mbetemi me shprese se kryeministrit Haradinaj do te hapë zyrën, përfaqësinë e Luginës në Kosovë, do të na sjellë tekste e jo fjalë e premtime të kota sikur deri më tani ministrat e kryeministra e mëpershëm. Nga Qeveria kosovare kërkojmë mbështetje financiare hiq me shume se sa qeveria e Serbisë për serbet e Kosovës.”
