Teksa ka dalë në konferencë për shtyp, Panucci është nevrikosur pasi është pyetur lidhur me korrektësinë e lojtarëve në fushë.
I pyetur nga një gazetar nëse të marrësh leje konsiderohet thyerje rregullash, Panucci ka “shpërthyer” duke dhënë detaje të reja lidhur me Cikalleshin.
Sipas trajnerit, fluturimi me avion ishte në orën 08:00, ndërsa ai është telefonuar në 09:00, duke treguar mungesë respekti ndaj tij.
“Avioni ishte në orën 08:00 dhe mua më morën në telefon në orën 09:00. Nuk më respektuan. Kjo nuk ishte leje, por mungesë respekti. Kontratat nënshkruhen me anë të menaxherit dhe vizitat mjekësore mund të bëhen në qendra në Tiranë. Nëse një futbollist ka djalin në spital, unë i jap leje pa problem sepse familja vjen e para. Por, kur të thërret kombëtarja, duhet të jesh këtu. Nuk e kam vetëm për Cikalleshin, por për të gjithë”, ka thënë trajneri.
