Kreu i Partisë Demokratike, Lulzim Basha ka marrë pjesë në Asamblenë Politike të Partisë Popullore Evropiane (PPE), e cila zhvillohet në Kopenhagen me pjesëmarrjen e drejtuesve të partive të djathta evropiane.
Para Asamblesë, Basha bëri një pasqyrë të zhvillimeve politike në vend dhe ndau me politikanët e djathtë evropianë vizionin e tij për të ardhmen e PD-së dhe të opozitës.
Gjithashtu, kryedemokrati theksoi rëndësinë që ka për opozitën dhe vetë demokracinë në Shqipëri reformimi i sistemit zgjedhor për t’i dhënë fund përgjithmonë historisë së manipulimit të zgjedhjeve.
Mësohet se Basha diskutoi edhe mbi përballjen me sfidat për integrimin evropian të vendit, ku mori mbështetjen e partive të djathta evropiane në këtë proces.
