Brenda 30 minutave shtatë persona janë plagosur nga dy aksidente pasditen e sotme në aksin Elbasan-Përrenjas. Aksidenti i parë u regjistrua rreth orës 16:30 në Qukës, ku u përplasën dy furgonë.
Nga aksidenti u plagosën tre pasagjerë, të cilët u dërguan në spital dhe nga të dhënat e fundit mësohet se janë jashtë rrezikut për jetën, pasi kanë marrë disa plagë të lehta.
Aksidenti u dytë u regjistrua në aksin Librazhd-Prrenjas në vendin e quajtur Xibrakë.
Në aksidentin e dytë u përshinë 3 mjete, njëra prej të cilave ‘BMW’ ndërsa të plagosur mbetën sërish katër persona, tre drejtuesit e mjeteve dhe një pasagjer.
Të plagosurit u transportuan me ambulancë drejt spitalit të Elbasan për të marrë ndihmën e parë mjekësore.
Ndërsa policia ka nisur hetimet për të dy aksidentit, por nga të dhënat e para mësohet se shkak ka qenë shpejtësia dhe lagështira si pasojë e reshjeve të shiut që përfshinë këtë pasdite edhe qarkun e Elbasanit.
