Ka ardhur reagimi zyrtar nga prokuroria e Vlorës menjëherë pas lajmit të gazetës gjermane e cila i kushtonte një artikull Arben Jorgaqit, një prokurori që rrezikonte jetën për shkak të një çështje që po hetonte, duke humbur kështu edhe vendin e punës.
Ndërkohë që gazeta gjermane “Tageszeitung” shkruan se prokurori Jorgaqi u shkarkua pasi zbuloi ‘njerëzit e fuqishëm’, burime nga prokuroria e Vlorës pohojnë se Arben Jorgaqi ka qenë në funksionin e oficerit të policisë gjyqësore (pra, nuk ka qenë prokuror) dhe nuk ka qenë asnjëherë pjesë e hetimit për falsifikimin e pronave.
Ai ka ndjekur kryesisht hetime për vjedhje të energjisë elektrike apo dëmtime të pronës publike si vjedhje kapakë pusetash, dëmtime të pareteve mbajtëse të rrugëve e të tilla vepra penale.
Reagimi i prokurorisë së Vlorës
Burime zyrtare nga Prokuroria Vlore thane se Arben Jorgaqi ka qene ne funksionin e oficerit te policise gjyqesore (pra, nuk ka qene prokuror) dhe nuk ka qene asnjehere pjese e hetimit per fallsifikimin e pronave.
Ai ka ndjekur kryesisht hetime per vjedhje te energjise elektrike apo demtime te prones publike (vjedhje kapake pusetash, demtime te pareteve mbajtese te rrugeve e te tilla vepra penale). Eshte larguar nga detyra, ne kuader te nevojes per riorganizim te brendshem.
Aktualisht eshte ne proces gjyqesor per largimin nga detyra dhe ceshtjen e tij administrative mund ta mbroje para gjykates shqiptare me argumenta ligkore dhe jo nepermjet kerkesave te mundshme per azil ne Gjermani apo ne ndonje vend tjeter te BE, thane burime zyrtare ne Prokurorine e Vlores.
