Kryeministri Rama, si çdo mëngjes, ka publikuar një artikull promovues për Shqipërinë. Bëhet fjalë për një artikull të botuar në mediat italiane, ku promovohet Syri i Kaltër.
Si gjithnjë, nuk kanë munguar komentet kritikuese, por edhe ato ku qytetarët qajnë hallet.
Kështu ka vepruar një ish-kryeinfermiere, e Shërbimit Onkologjik në QSUT, e cila tregon se pas 15 vitesh punë, ndër të cilat 12 vite si kryeinfermiere, u hoq nga puna duke kaluar si infermiere, me një justifikim banal.
“Jam e aftë të konkurroj përsëri me cv time dhe me përgatitjet e mia, por nuk kam më besim se fiton aftësia. Nëse do kishte reforme për të gjithë do e quaja diçka të drejtë, por kjo ndodhi vetëm tek unë.
E emëruara në vendin tim nuk ka eksperiencë në fushën e kirurgjisë. Kur unë ndërkohë kam shumë vite pune në kirurgji. Zoti kryeministër kërkoj drejtësi, puna e njerëzve të ndershëm dhe me eksperiencë nuk mund të hidhet poshtë me një reformë që duket absurde, pasi shkaku që mua më kanë dhënë për të më ulur në detyrë, është po ashtu absurd. Në vendin tim tani është një tjetër, por në një post që thuhet se është suprimuar.. Nëse do të bësh shtet, eja nise nga vendi im i blerë i punës”, shkruan ndër të tjera ish-kryeinfermierja.
Letra e plotë:
