Taulant Xhaka do të jetë zëvendës kapiten i ri i skuadrës së Bazelit. Edhe pse pak ditë më parë Xhaka nuk e takoi trajnerin e zgjedhur të Kombëtares, Kristian Panuçi, mesfushori kuqezi së fundmi ka marrë një lajm pozitiv. Pasi Delgado e la futbollin në nisjen e kampionatit zviceran, drejtuesit e klubit bënë ndryshime në hierarkinë e lojtarëve, njëri prej zëvendëskapitenëve të skuadrës do të jetë pikërisht Xhaka.
Ndërkohë që pozicionin e kapitenit të skuadrës do ta mbajë mesfushori Marek Sushi. 29-vjeçari çek luan prej tre sezonesh në ekipin e Bazelit dhe thuajse është gjithmonë titullar me ekipin zviceran. Dy zëvendëskapitenët e skuadrës janë Mishel Lang dhe Taulant Xhaka.
