Një alarm për bombë, i dhënë rreth orës 11:00, ka shkaktuar panik në terminalin e pasagjerëve në portin e Durrësit.
Në fakt ka qenë një manovër e kryer nga forcat e sigurisë së Portit të Durrësit për të testuar masat e sigurisë në rast të një rreziku të vërtetë.
Për të testuar reagimin e forcave të sigurisë është improvizuar alarmi për bombë në momentin që nga trageti i një linje me Italinë, po zbrisnin udhëtarët.
Mësohet se manovra është bërë në momentin e pikut të përpunimit të ardhjes së pasagjerëve me tragetet e linjave Durrës-Bari dhe Durrës-Ankona.
Pas alarmit, siguria portuale ka kryer manovër në terminal duke nxjerrë me shpejtësi pasagjerët, të cilët ishin mjaft të shqetësuar.
