Pas miratimit të rritjes së çmimit të ujit, Partia Demokratike u rikthehet protestave, një prej të cilave do e mbajë sot pikërisht për këtë çështje.
Burime nga Partia Demokratike njoftojnë se sot do të mbahet një protestë para Bashkisë së Tiranës në orën 18:00 për të kundërshtuar rritjen e çmimit të ujit.
Sipas projektit fillestar të propozuar nga Bashkia, parashikohet një rritje çmimi me 44%, nga 45 lek/ m3 në 65 lekë/m3 ujë.
Sipas Veliajt, kjo rritje e çmimit bëhet që të kryhen investime në rrjet, në mënyrë që të garantohet furnizimi 24 orë me ujë në kryeqytet.
Enti Rregullator i Ujit bëri me dije se do të vendosë në muajin shtator mbi aplikimin e bërë nga Ujësjellës-Kanalizime Tiranë për rritjen e çmimit të ujit.
