Samsung së fundmi ka nxjerrë në treg televizorin e ri 406 inç Cinema me ekran LED. Televizori ka diagonalen e ekranit prej 10,3 metrash dhe nuk është e projektuar për përdorim shtëpiak, por për salla të kinemave, ku besohet se do zëvendësojë projeksionet klasike.
Ekrani ka rezolucion 4K (4,096 x 2,160 piksel), kualitet HDR dhe ndriçim deri 146 fL, që sipas Samsungut, është dhjetë herë më shumë se sa projeksionet standarde të teknologjisë. Televizori ka ngjyrë të zezë të thellë, ngjyrën e bardhë precize dhe ngjyra të shkëlqyeshme.
Ndriçimi shtesë mund të jetë i dobishëm për riprodhimin e filmave 3D, të cilët shpesh duken të mjegulluar në kinema për shkak të syzave të polarizuara. Si shtesë e kualitetit të fotografisë, Samsung ka bashkëpunuar me njësinë JBL të Harman në teknologjinë e zërit, e cila përbëhet nga mikrofonat e vendosur përreth ekranit, teknologjisë për procesimin e zërit dhe “Sculpted Surround”, i cili mundëson riprodhimin dramatik të zërit.
Ekrani është prezantuar në kinemanë Lotte në Korenë Jugore dhe thuhet se paraqet ekranin e parë komercial LED për kinema. Samsung thekson se televizori mund të jetë shumë i qëlluar edhe për ngjarje të korporatave, konferenca, përcjelljen e sportit dhe lojëra, derisa shikimi i filmave do të ofrojë një përvojë krejtësisht të re.
