Vizita e Donald Trump në Britani është shtyrë për vitin tjetër, pasi burime pranë presidentit pranojnë se plani për një vizitë në verë, është “braktisur”.
“Nuk mundëm të gjenim një datë të përshtatshme këtë vit, prandaj vizita do të realizohet vitin tjetër”, tha burimi për Politics Home, raporton The Telegraph.
Dyshohet se vizita u shty pasi nuk u përfshi në fjalimin e Mbretëreshës.
Gjithashtu, raportohet se Presidenti amerikan i ka thënë Kryeministres May se nuk do ta zhvillojë vizitën në rast se ka protesta masive kundër tij.
May vizitoi Trumpin dhe bashkëshorten e tij në një vizitë, vetëm 7 ditë pas zgjedhjes së tij president. May udhëtoi drejt Washingtonit, ndërsa vizita e saj u cilësua si një shenjë e marrëdhënies së veçantë dhe të fortë mes Amerikës dhe Britanisë.
