Të gjithë e duan suksesin por për të arritur atë më parë duhet të dështosh. Pyetja e parë që i bën vetes çdokush kur kalon përmes kësaj rruge, është se përse dështojmë?
Për këtë arsye, përpiqemi të kuptojmë të gjitha arsyet që na bëjnë të dështojmë dhe motivin që duhet gjejmë për t’u ngritur sërish.
Nuk mund të ketë asnjë të suksesshëm që nuk ka dështuar më parë.
Ndërsa ajo që e ka bërë të suksesshëm lidhet me faktin se nuk ka hequr dorë nga të provuarit në mënyrë të vazhdueshme.
‘‘Kam humbur më shumë se 9.000 kosha në karrierën time si basketbollist. Kam humbur pothuajse 300 ndeshje. Në 26 raste më është besuar gjuajtja e lirë që vendoste fatin e ndeshjes, dhe unë s’kam mundur të realizoj dot. Unë kam dështuar vazhdimisht në jetën time. Dhe kjo është arsyeja pse kam pasur sukses’’, shprehej Micheal Jordan, në një intervistë kur u pyet mbi suksesin.
Videoja e mëposhtme tregon pikërisht faktin se megjithëse jeta mund t’ju godasë vazhdimisht, mund të keni humbur apo jeni rrëzuar, ka një rrugëdalje e cila gjendet në dorën e gjithsecilit; përpjekja për të mos u dorëzuar asnjë çast dhe besimi i madh që duhet të ketë çdokush për të arritur atë që dëshiron në të vërtetë.