Rrjetet sociale janë bërë pjesë e pandarë e jona dhe shpesh bezdisemi nga varësia që kemi krijuar përgjithësisht nga teknologjia.
Megjithatë, ju mundtë shkëputeni nga kjo varësi, pasi gjithçka është në dorën tuaj. Jetën tuaj mund ta menaxhoni ju dhe jo teknologjia.
Niseni këtë distancim me disa hapa të thjeshtë.
-Takoni njerëz: bisedat personale me miqtë tuaj më të mirë, mos i shkëmbeni në rrjetet sociale. Nëse nuk ndodheni larg gjeografikisht, atëherë takohuni dhe flisni përballë. Pini diçka, ecni dhe shëtisni teksa bisedoni, por hiqni dorë nga celulari dhe dedikojani kohën mikut/mikeshës suaj.
-Qëndro vetëm në qetësi: Gjithçka që ju duhet për të shijuar qetësinë është të rrini larg teknologjisë, larg zhurmave dhe larg njerëzve. Mbase keni nevojë të mendoheni për shumë gjëra, prandaj merrni pak kohë, mbyllni sytë dhe pushoni.
-Bëhuni kreativë: Një pëlqim apo koment në Facebook tashmë nuk ndikon në humorin e një personi. Sot, një kartolinë, një buqetë me lule apo çdo gjest tjetër vlerësohet dhe me siguri rregullon ditën e personit të dashur për ju.
-“Rikrijojeni” veten tuaj: Eksploroni hobe të reja, rizbuloni pasionin tuaj dhe gjërat që ju motivojnë. Vetëm kështu do e shijoni vërtet jetën,duke i kushtuar rëndësi jetës reale dhe jo asaj virtuale.
