Qyteti i Vjetër i Hebronit dhe Varri i Patriarkëve në Bregun e pushtuar Perëndimor është shpallur trashëgimi botërore palestineze nga UNESCO.
Komiteti i agjencisë për kulturë të Kombeve të Bashkuara miratoi rezolutën që i vë ato në listën e lokacioneve që konsiderohen “në rrezik”.
Varri i Patriarkëve, që ndryshe njihet si Xhamia e Ibrahimit, nderohet nga hebrenjtë, myslimanët dhe të krishterët si varr i Abrahamit, Isakut dhe Jakobit. Ai është vendi i dytë më i shenjtë në judaizëm dhe i katërti në islam.
Në Qytetin e Vjetër të Hebronit jetojnë mbi 200,000 palestinezë dhe disa qindra izraelitë.
Ndërkohë që reagimet e qeverive kanë rënë në kundërshti me njëri-tjetrin. Kryeministri i Izraelit, Benjmanin Netanyahu, tha se vendimi i UNESCO-s është “një iluzion”, ndërsa Ministria e Jashtme palestineze e cilësoi atë si “sukses të diplomacisë”.
