Jorgovanka Tabakoviq, Guvernatorja e Bankës Kombëtare të Serbisë (NBS), ka deklaruar se Serbia është duke realizuar pagesën e të gjitha borxheve të viteve 90-të, duke përfshirë kreditë e Kosovës, sepse sipas saj ky territor është pjesë e Serbisë në bazë të Kushtetutës.
“Kjo është gjë specifike. Serbia paguan këtë detyrim, sepse e konsideron Kosovën pjesë të territorit të saj”, ka thënë ajo në një konferencë për media me kreun e misionit të FMN-së në Serbi, James Roaf dhe ministrin e Financave, Dushan Vujoviç.
Banka Kombëtare e Serbisë për çdo muaj dorëzon në Ministrinë e Financave raportin në shumën e këstit të borxhit që paguhet, por sado që të jetë shuma, e rëndësishme është që shteti të paguajë, ka vlerësuar ajo.
