Grupet e dhunshme kriminale shqiptare po ushtrojnë “kontroll të konsiderueshëm” mbi tregun e trafikimit të drogës në Mbretërinë e Bashkuar, thuhet në raportin e NCA-së.
Agjencia Kombëtare e Krimit (NCA) tha se ishte gjithnjë e shqetësuar nga ajo që quhej “ndikim i profilit të lartë të shqiptarëve në krimin e organizuar në Mbretërinë e Bashkuar”.
Janë shënuar vërejtjet në vlerësimin vjetor të agjencisë për rritjen e veprave me natyrë e shkallë të rëndë kriminale dhe të krimit të organizuar, në Mbretërinë e Bashkuar.
Agjencia gjithashtu paralajmëroi për kërcënimin e krimit kibernetikë nga vendet ruse.
NCA tha se marzhet e fitimit në tregtinë e drogës mbetën “substanciale” përkundër përpjekjeve ndërkombëtare.
Mes atyre që shfaqën si një “kërcënim i rëndësishëm” ishin bandat shqiptare, për të cilat agjencia tha se kishin ndikim të veçantë në tregun e kokainës.
Zyrtarët thanë se bandat u karakterizuan nga gatishmëria e tyre për të përdorur dhunë serioze.
Londra është “qendër kryesore” e tyre, thotë raporti, por ato janë të vendosur në të gjithë Mbretërinë e Bashkuar.
Zëvendësdrejtori i përgjithshëm i NCA-së, gjenerali Matthew Horne tha: “Është një grup shumë i vogël, por i madh në ndikim.
“Ne kemi parë shfaqje të dhunës nga këto grupe, veçanërisht rreth zonave të tregtisë së drogës”.
Raporti gjithashtu tha se grupet kriminale serbe dhe turke “dominojnë logjistikën detare të kokainës”, ndërsa grupet turke dhe pakistaneze “vazhdojnë të mbizotërojnë trafikimin e heroinës në Britani të Madhe”.
Raporti thotë se korrupsioni midis stafit që punon në portet dhe aeroportet ishte një “dobësi kyçe”, sepse e bëri më të lehtë që bandat të kontrabandojnë drogë dhe të sillnin emigrantë të paligjshëm. (TIRANA TODAY)
