Në vijim të falënderimeve të tij para simpatizantëve të PS-së në sheshin”Skëndërbej”, Kryeministri Rama ka shpërthyer në batuta.
Në kuadër të falënderimit në rang qarqesh, Rama ka veçuar fitoren e Gramoz Ruçit duke e cilësuar atë si një fitore spektakolare.
“Thënë labçe, Gramozi vajti në betejë vet 9-të i 9-ti dhe u kthye me 10-të”- tha Rama.
Më tej, ai ka shprehur edhe falënderimet e tija të veçanta për bashkëshorten duke thënë se një nga meritat më të mëdha në këtë fitore është Linda.
Menjëhërë, pas kësaj ai ka falënderuar Qarkun e Dibrës duke përsëritur premtimin e rrugës së ”Arbërit”.
“Po ashtu unë edhe sot bëra një gabim që Gramozi ma thotë shpesh, kur falënderon, falëndero të gjithë bashkë, jo veç e veç se harron ndonjërin dhe i mbetët hatri.
Por unë nuk dua të harroj Dibrën duke i përsëritur premtimin se, deri në fillim të dimrit ne do të nisim rrugën e “Arbërit”.
Rama sërish ka shpërthyer në batuta duke thënë se mes tij dhe Lindës futet në mes gjithnjë politika dhe e ka falënderuar sërish që ende ajo e duron.
Sakaq, ai nuk ka harruar të falënderojë edhe nënë duke thënë se: ”Po ashtu dua të falënderoj edhe gruan e dytë të jetë tim,e Aneta Ramën e cila ndryshe nga ne, nuk lë gazetë dhe portal pa lexuar dhe ende nuk e ka humbur besimin te unë”.
Në fjalën përshëndetëse ai nuk ka harruar edhe Zahon, djalin e tij, duke thënë se ai është i vogël dhe nuk do mbajë mënd asgjë nga kjo fitore, por do krenohet pas shumë vitesh me atë që PS-ja do bëjmë gjatë këtyre 4 viteve.
Në fund të mitingut, Rama duke bërë humor me stafin e tij i ka lajmëruar se nesër në orën 5 të mëngjesit do ketë mbledhje me shtabin.
