Një incident i rëndë është shënuar para pak minutash gjatë procesit të votimit në Elbasan. Në një qendër votimi një vëzhgues i PS është dhunuar brutalisht, duke marrë plagë që e kanë detyruar të shkojë në urgjencën e spitalit rajonal.
Sipas të dhënave, është dhunuar vëzhguesi Arben Kërçyku, i cili përfaqëson Partinë Socialiste dhe ngjarja ka ndodhur në Qendrën e Votimit numër 2345.
Lidhur me këtë incident që dëmton procesin zgjedhor është mbajtur një procesverbal, ndërkohë që policia ka nisur hetimet për autorët.
