Kreu i Partisë Demokratike, Lulzim Basha ka deklaruar se ndryshimet kushtetuese të vitit 2008 kanë sjellë disa fatalitete në vend.
Sipas tij, Shqipëri ka humbur lidhja mes pushtetarit dhe qytetarit, ku deputetët nuk kanë lidhje me qytetarët dhe u mjafton ta kenë mirë me kryetarin e partisë.
“Pjesa politike është ndryshim i thellë i Kushtetutës. Në Shqipëri ka humbur lidhja mes pushtetarit dhe qytetarit dhe kjo ka ndodhur gradualisht. Përgjegjësia është e të gjitha palëve politike, por veçanërisht e autorëve të ndryshimeve kushtetuese të 2008. Në bazë të këtyre ndryshimeve, deputetët nuk kanë lidhje me qytetarët dhe u mjafton ta kenë mirë me kryetarin e partisë,”- tha Basha.
Më tej, ai u shpreh se vetë deputetët zgjidhen për të kontrolluar qeverinë, por me këtë sistem qeveria i kontrollon ata.
