Ditën e sotme, Avokatja e Popullit Erinda Ballanca nisi zyrtarisht detyrën pranë institucionit të Avokatit të Popullit. Igli Totozani, paraardhësi i saj, priti dhe i kaloi detyrën zonjës Ballanca në një ceremoni mirëseardhjeje, ku bëri edhe prezantimin me stafin e institucionit.
Në fjalën përshëndetëse mbajtur para stafit Avokatja e Popullit tha se ndihej e privilegjuar për drejtimin e institucionit të Avokatit të Popullit, si dhe siguroi vazhdimësi të përpjekjeve të paraardhësve që ky institucion të jetë i fortë dhe i pavarur:
“Ndihem e privilegjuar që do drejtoj këtë institucion dhe angazhohem të mbroj me përkushtim Liritë dhe të Drejtat e Njeriut në Shqipëri.
Dy paraardhësit e mi z. Dobjani dhe z. Totozani kanë kontribuar për themelimin dhe ngritjen e institucionit të Avokatit të Popullit, ndaj edhe unë do të vazhdoj përpjekjet që ky institucion, të jetë i fortë dhe i pavarur”.
Zëvendësimi i drejtuesit të Avokatit të Popullit erdhi si pasojë e marrëveshjes së 18-majit, Rama-Basha.
