Kandidati i LSI-së për deputet në qarkun e Shkodrës, Dritan Ylli, ka reaguar ashpër ndaj kërkesës së Ministrit të Drejtësisë për hetim ndaj tij, deputetit Çela dhe koordinatorit të Lëvizjes Socialiste për Integrim për Malësinë e Madhe për veprën penale “korrupsion aktiv në zgjedhje”.
Përmes një deklarate për mediat, Ylli i cilëson gënjeshtra dhe shpifje përmes të cilave sipas tij Ministri Bardhi po tenton të mbulojë shkarkimet e paligjshme. Ai e kërcënon Bardhin se do të japë llogari para drejtësisë.
Përmes një njoftimi për mediat, Ministria shkruan se ka kërkuar hetim penal ndaj Ardit Hodajt, koordinator i LSI-së për Malësinë e Madhe, verifikim për kandidatët Agron Çela dhe Dritan Ylli si pjesëmarrës në këtë skemë.
Hetimi është kërkuar për deputetin aktual dhe njëherësh kandidatin për deputet për Qarkun e Shkodrës, Agron Çela si dhe kandidatin për deputet Dritan Ylli, se janë përfshirë në një skemë mashtrimi me emërimet në burgun e Shkodrës, i cili ende nuk është hapur.
Dritan Ylli: Genjeshtrat, shpifjet dhe mashtrimet e Ministrit te Drejtesise, nuk mund te fshehin gjendjen katastrofike te PD ne Shkoder, te krijuar nga perjashtimi i figurave kryesore te saj. Gjithshka thuhet ne adrese te kandidateve te LSI ne Shkoder, eshte vetem nje sajese e turpshme dhe nje spekullim, qe kerkon te mbuloje ministri i paditur per shkarkimet e paligjshme. Ministri i Drejtesise do te jape llogari per te gjitha shkeljet e ligjit qe po ben, per te cilat ai eshte paditur dhe duhet te jape llogari ne Prokurori. LSI nuk e ndal vrullin e saj drejt forces se pare dhe nuk bie pre e presioneve apo shantazheve mashtruese te asnje tekniku apo politekniku kudo qofte ai….
