Policia Kufitare ka arrestuar në flagrancë një transportuese franceze.
Nga komunikata e policisë bëhet me dije se shtetasja e arrestuar është Marion Alain Anastasia Coudair, 21 vjeçe, banuese në qytetin Ecully-Francë.
Gjithashtu, mësohet se në Pikën e Kalimit Kufitar të Qafë-Thanës, gjatë kontrollit të detajuar që shërbimet e Policisë Kufitare në bashkëpunim me Doganën kanë ushtruar, konkretisht në çantën personale të kësaj të fundit, u gjetën dhe sekuestruan në cilësinë e provës materiale, 117 fara të dyshuara si narkotike të llojit Cannabis Sativa.
Kjo shtetase u arrestua në kushtet e flagrancës dhe materialet i kaluan Prokurorisë të Krimeve të Rënda në Tiranë për veprën penale: “Trafikimi i narkotikëve, mbetur në tentativë” parashikuar nga nenet 283/a e 22 të Kodit Penal, godet një tjetër tentativë të “Trafikut ndërkombëtar të lëndëve narkotike”.
Veprimet procedurale të rastit u kryhen nga Sektori për narkotikët e trafikun e paligjshëm në Drejtorinë Vendore të Policisë Korçë.
