U ndodh edhe zyrtarëve të lartë që ta humbasin vëmendjen në momentet jo të duhura. Në periudhën e fushatës zgjedhore për zyrtarët e lartë u bënë thirrje qytetarëve të dalin të votojnë. Por kur u erdhi momenti të kryejnë detyrimet qytetare kryetari i PDK-së Kadri Veseli dhe bashkëshortja Violeta, u gjendën para një situatë të pakëndshme, pasi ata kishin harruar letërnjoftimet.
Ndërsa po prisnin në radhë për të votuar në shkollën fillore “Faik Konica” në Prishtinë bashkëshortja e Veselit e lajmëroi kryetarin e PDK-së se nuk kanë me vete kartën identifikuese.
Megjithatë kjo nuk u mbajt fshehtë nga Veseli, i cili filloi të qeshë, duke thënë se edhe ai e ka harruar, madje duke shtuar se atij i falet, por jo edhe gruas së tij.
