Moderatori i “Zonë e Lirë” Arjan Çani dhe kryeministri Edi Rama në përfundim të intervistës janë përplasur midis tyre lidhur me taksimin progresiv. Çani e ka cilësuar kryeministrin Rama si kriminel pasi sipas tij, atij i taksohet rreth 23 për qind e rrogës. Ndërsa Rama iu përgjigj se ai që fiton më shumë duhet të paguajë më shumë ndryshe nga ata që fitojnë më pak dhe taksohen më pak.
Debati midis Çanit dhe kryeministrit Rama:
Çani: Një pyetje të fundit, si do të bëhet me taksimin e shtresës sonë, se mua më takson 23 për qind, më mban 23 për qind nga rroga.
Rama: Ti paguan më shumë se dikush që merr më pak se ty prandaj. Sofia nuk taksohet më shumë. Ti po. Ky është taksim i ndershëm; kush merr më shumë taksohet më shumë.
Çani: Mua nuk mi fal njeri këto para. Ty që të vunë kryeministër e ke merituar dhe ke punuar për këtë gjë. Po ashtu edhe unë. Duam shërbime më shumë
Rama: E kemi bërë biznesin e vogël me taksë zero. Ndërsa një biznesmen i madh paguan 10-20 për qind.
Çani: Po unë e kam 23 për qind!
Rama: Ne vendosëm që taksën për biznesin e madh nuk do ta rrisim dhe as do ta ulim. Për shtresën tënde parashikojmë një ulje nga 23 në 18 për qind.
Çani: Aaa, do ta ulke me 5 për qind?! Po ti qenke kriminel i paparë!
Rama: Po pse jam kriminel?!
Çani: Po penalizon shumë veta me këtë, madje edhe veten tënde. Mua nuk mi ka falur njeri ato para.
Rama: E di cili është dallimi midis një majti dhe të djathti kur shikojnë një lypës në rrugë. I djathti thotë se “mirë t’i bëhet se nuk është përpjekur për të përmirësuar jetën e vet”. Ndërsa i majti kur sheh lypësin thotë se “ka një problem me shoqërinë që ai gjendet në atë situatë”.
Çani: E ke pyetur ndonjëherë veten për këtë gjë? Apo ke thënë që ndodhet aty se nuk punon
Rama: Këtu ndahemi rëndë edhe në aspektin vizionar, edhe ideologjik.
