Regjisor amerikan si Oliver Stone, ka mundur të nxjerr mendimet presidentit të Rusisë, Vladimir Putin rreth një lufte të mundshme më SHBA-të.
Stone gjatë një serie intervistash për një film arriti t’i shkëpusë presidentit Putin komentet se “askush nuk do të mbijetojë” një luftë eventuale ndërmjet dy vendeve me armatim atomik. Dokumentari do të transmetohet në televizionin amerikan.
Kjo seri me katër pjesë, që do të filloj të transmetohet më 12 qershor, po bëhet në kuadër të paraqitjeve publike të Putinit, në të cilat ai i ka ashpërsuar kritikat kundër Uashingtonit, të cilin e akuzon për përzierje në punët e Moskës dhe për shfrytëzimin e NATO-s për interesa të veta të politikës së jashtme.
Sipas ekstrakteve që janë publikuar paraprakisht në Internet, këto çështje, po ashtu, paraqiten edhe në intervistat me regjisorin Stone.
I pyetur nga regjisori, nëse Shtetet e Bashkuara do të ishin dominuese në “një luftë të nxehtë” me Rusinë, Putin është përgjigjur: “askush nuk do të mbijetojë”.
