Drejtor i Përgjithshëm i Agjensisë Kombëtare të Bregdetit, Auron Tare, nëpërmjet një statusi në “Facebook” ka akuzuar qeverin Berisha të 4 viteve më parë lidhur me flamujt kombëtar të blerë në Kinë.
Sipas Tares, është turp që i bëhet Flamurit kombëtar, valvitja e tij në kalanë e Shkodrës.
“Në Kalanë e Shkodrës valevitet flamuri i shpërfytyruar porositur në Kinë nga qeveria Berisha. Unë nuk e di se kush e ka në administrim Kalanë e Shkodrës por nuk mund të mos i them dy fjalë për këtë turp që i bëhet Flamurit Kombëtar”, shkruan Tare.
Po ashtu, ai shprehet i irituar duke e quajtur keqardhje këtë gjest që bëhet në kalanë symbol të qëndresës së shqiptarëve.
Statusi i Tares në Facebook
Kur kalaja e Shkodrës ishte rrethuar nga malazezet, komandanti i trupave otomane dhe vullnetareve shqiptare, Hasan Riza Pasha ju propozoi malësorëve të ngrinin flamurin shqiptar në bedenat e kalasë.
Ngritja e flamurit ishte një prej momenteve me të rëndësishme të Rrethimit të Shkodrës. Kronikat janë paksa të turbullta në se flamuri u ngrit apo jo por me dorëzimin e Shkodrës malazezë të parën gjë që bënë ngritën Flamurin e tyre.
Respektimi i Flamurit kombëtar është një nga shenjat e para të civilizimit të një kombi. Me largimin trupave malazeze, Flamuri shqiptar u ngrit më në fund krenar në Kalanë e Shkodrës. Kanë kaluar mbi 100 vjet nga kjo lufte dhe historia e Flamurit përmendet gjithmonë nga historianët.
Fund Maji 2017.
Në Kalanë e Shkodrës valevitet flamuri i shpërfytyruar porositur në Kinë nga qeveria Berisha. Unë nuk e di se kush e ka në administrim Kalanë e Shkodrës por nuk mund të mos i them dy fjalë për këtë turp që i bëhet Flamurit Kombëtar.
Në 2012 sëbashku me kolegun Tahiri kemi bërë një debat të gjatë në Parlament për të demaskuar përdhosjen e simbolit kombëtar nga një Qeveri e papërgjegjeshme apo siç do mbahet mend Qeveria e Tortës.
Nuk ka keqardhje më të madhe për mua kur shikoj ende Flamurin e shpërfyturuar (nga papërgjegjësia e Qeverisë Berisha) të valëvitet në Kalanë simbol të rezistencës shqiptare, Shkodrës.
