Hysen Osmanaj, nënkryetar i KQZ-së, ka paraqitur sot dorëheqjen nga ky pozicion, duke vazhduar mandatin si anëtar i thjeshtë.
Ai e paraqiti sot dorëheqjen e tij tek kryetari i KQZ-së, Klement Zguri. Kështu, dorëheqja e Osmanajt i hap rrugë ish-kryetarit të KQZ-së, Denar Biba, që të marrë postin e nënkryetarit.
Osmanaj dha dorëheqjen pas një statusi në Facebook, ku këshillonte demokratët “të lënë debatet dhe të merren më vonë me veten, sepse janë në kulmin e kurorëzimit të rikthimit në pushtet”.
Anëtarët e KQZ, pavarësisht se zgjidhen nga partitë politike në Kuvend, presupozohet se janë të pavarur.
Statusi i Hysen Osmanajt në Facebook:
Po ky Fevziu çfarë ka me listën e PD-së?!
Po pse nuk u mor me listat e partive të tjera që kanë një muaj që kanë dalë?!
Të nderuar demokratë merruni me vetveten pas betejës, jeni në kulmin e kurorëzimit të qëllimit tuaj final, rikthimit në pushtet…
Andej nga vij unë përpara betejave “pajtohen gjaqet”, kujtoni profesor Anton Çetën
