Ish-ministri i Mbrojtjes Arben Imami është shprehur i revoltuar dhe ka lëshuar akuza të forta kundër kryetarit aktual të Partisë Demokratike.
Imami e ka akuzuar Bashën për shkelje të statutit të PD-së lidhur me vendimmarrjen e kandidatëve për deputetë në listat e PD-së.
Demokrati Imami, gjithashtu ka kërkuar dorëheqjen e Bashës pasi problemet e PD-së po shkojnë drejt agravimit.
“Në këtë situatë të krijuar unë mendoj se zgjidhja e vetme është largimi i zotit Basha pasi nga këto zgjedhje mund të dalim më keq se zgjedhjet e 2013” tha ai.
Kujtojmë se paraditen e sotme bashkë me Jozefina Topallin kanë kërkërkuar mbledhjen e forumeve për shkarkimin e Lulzim Bashës nga posti i kryetarit të partisë.
Fjala e Imamit në emisionin Opinion:
“Në natën e përzgjedhjes së listave u shkallmua Partia Demokratike.
Gjendjen e krijuar nuk e kam krijuar unë dhe Topalli por ishte e artikuluar gjerësisht. Nuk mund të hiqet Jozefina Topalli dhe të zëvendësohet me shtëpiake që kanë bërë nga 3-4 fëmijë.
E vetmja masë që duhet të marrë është vetëm ndaj Bashës, pasi ka shkelur statutin e Partisë Demokratike.
Nuk ka pasur asnjë sqarim.
Në këtë situatë të krijuar unë mendoj se zgjidhja e vetme është largimi i zotit Basha pasi nga këto zgjedhje mund të dalim më keq se zgjedhjet e 2013.
Edhe pse ky propozim nuk është pranuar do thirret menjëherë në datën 26 qershor. Do flasim pas datës 25
Po ashtu edhe lista e kandidatëve është e pa vlefshme. Ne nuk mund të heqim Edi Ramëm duke hequr Topallin.
Problemi themelor i kandidatëve të rinj është se janë njerëz të panjohur.
Ndoshta duke filluar nga kryeti i Forumit Rinor dhe të rinjve të tjerë mund të ishin e ardhmja e PD.
Në qoftë se shqyrtohet me seriozitet pasi kjo liste është problematike dhe ky problem po vjen drejt agravimit.
Janë çuar 95 emra për shkak se i ka bërë një njëri i vetëm i cili nuk mund ti bëjë të gjitha.
Gjatë 4 viteve Sali Berisha nuk me ka marrë një herë në telefon dhe nuk mendoj se ai ka dorë në këto lista . Basha ka dale vet në deklaratë për shtyp dhe ka pranuar se listën e ka bërë vet.
Ka shumë njerëz nga PD që kanë qejf të ishin në këto lista dhe janë jashtë.
I qëndroj idesë se Lulzim Basha duhet të largohet nga kryetar partë pasi nuk është ndonjë çudi e madhe .
Nuk papa ka dhënë dorëheqje nuk është çudi që të jap dorëheqje Lulzim Basha”.
