Hasbi Kasaj, i njohur për thënien e tij të famshme “i raftë kanceri në grykë atyre që nuk votojnë për mua”, garon për deputet në zgjedhjet parlamentare të 25 qershorit.
Kasaj është regjistruar nën siglën e Partisë Aleanca Demokristiane dhe është i pari në listën për Qarkun e Gjirokastrës.
Ai bëri bujë në media në vitin 2001, kur kandidonte për deputet dhe bëri një deklaratë të fortë, teksa ishte i ftuar në një televizion për të shpalosur programin e tij:
“I bëj thirrje të gjithë votuesve të 14 fshatrave, le të më votojnë se nuk humbasin asgjë. Të më votojnë dhe do të më urojnë dhe do më thonë ‘tu bëftë dita një mijë’. Urimi i keq që u bëj unë atyre votuesve që nuk më votojnë: u daltë kanceri mu në grykë dhe vdekshin të tërë nesër”.
Me siguri, Kasaj duhet të jetë kandidati më i sinqertë në zgjedhjet parlamentare të 25 qershorit.
https://youtu.be/YX_7cgT2f7M
