Ndarja nga jeta e parakohshme e deputetit Gjovalin Kadeli ka dëshpëruar jo vetëm familjarët e tij, por edhe miq e kolegë të shumtë.
Një ndër ta është edhe deputeti Erjon Braçe, i cili ka shkruar një dedikim prekës për Kadelin, në një foto të postuar në Instagram.
“Gjovalin i dashur!
Të prehesh në paqe e të qoftë i lehtë dheu në gjoks!
Prej ditës kur u ndale nuk kam fjale të të them!
Nuk di, isha mësuar të të telefonoja për çdo gjë dhe ti ishe gjithnjë aty, pa pyetur për kënd, parti e grup.
Këtu do mbetem!
Nuk dua te të shoh në atë arkë morti, as në atë banesë balte.
Mirësia nuk mund të mbyllet aty!
Por do të gjej, harroje nuk shpëton dot nga unë, as në telefon, as në komision, as në Kuvend, as në lagje e as mes miqsh të përbashkët, te kujtimet e secilit!”, shkruan Braçe.
Sot, Kadeli përcillet për në banesën e fundit, pas ndarjes nga jeta tre ditë më parë pas një sëmundjeje të rëndë.
