Partia Aleanca Kuq e Zi e drejtuar nga Kreshnik Spahiu deri tani nuk ka arritur një marrëveshje me kreun e Partisë Demokratike Lulzim Basha.
Spahiu, u shpreh se pas takimit me Bashin për rreth një orë në ambientet e selisë blu nuk ka arritur një marrëveshje ndryshe nga dakordësimi i pasur deri sot për kauzat e opozitës.
Kreu i Aleancës Kuq e Zi tha se për më shumë se dy vite dhe për 90 ditët e fundit kishte lidhur besëlidhjen me PD për çështjet më në zë të vendit .
Nga ana tjetër, Spahiu pohoi se Aleanca Kuq e Zi ka sakrifikuar siglën e saj për PD-në gjatë kësaj periudhe dhe ka detyrim ndaj miqve dhe elektoratit të tij se në qoftë se nuk ka marrëveshje ai do të jep dorëheqje.
Kjo deklaratë vjen në një kohë kur edhe krerët e tjerë të partive aleate të PD-së kanë shprehur pakënaqësi ndaj Bashës.
“Kemi qenë përballë një lufte tre mujore për rrëzimin e Edi Ramës. Marrëveshja u hoqi mundësinë partive të regjistroheshin në zgjedhje.
Ne vendosëm mos të regjistrojmë partinë në KQZ në premtimin e Bashës se do të përfaqësoheshim në lista si kryetarë, ne do të grupoheshim në logon e PD për të maksimalizuar votat e opozitës.
Që nga ajo ditë unë nuk i kam konsideruar si pazar listat e deputetëve, pasi kam qenë në garancinë e Bashës, pasi lidhi besën me kuqezinjtë për 90 ditë.Aleanca Kuq e Zi lidhi besën me partine Demokratike për 90 ditë për të ryzuar “regjimin PS-LSI”.
Kam pasur një bisedë me bashin dhe nuk kemi rënë dakord.
Kemi parashtruar disa parime të cilat unë nuk i shkel, dhe për një orë kemi rënë dakord që zoti Basha ti diskutojë më kolegët e tij.
Po kalojmë një situatë të vështire pasi ne u futëm në luftë për 90 ditë dhe kishim besëlidhjen e z. Basha. Nëse PD do ti qëndrojë fjalës unë do të jap dorëheqje pasi kam detyrime ndaj elektoratit tim dhe miqve të mi”, tha Spahiu.
