Apple ka hedhur një hap ndryshe nga herët e tjera dhe duket se seksioni mediatik ka marrë një prioritet të veçantë.
Raportimet e medieve amerikane bëjnë më dije se gjiganti i teknologjisë ka vendosur të forcojë departamentin “New” ku ka punësuar si drejtoreshë Laura Kern, gazetaren e New York Magazine dhe ish gazetaren e New York Times.
“Jam i lumtur për Laura Kern, është një mundësi e madhe për të sjellë forcën e gazetarisë në një detyrë që më duket mjaft premtuese”, ka thënë Adam Moss, drejtori i New York Magazine. Një zëdhënës i Apple ka konfirmuar lajmin pa shtuar asgjë më shumë.
Apple News është një aplikacion për pajisjet telefonike që dolën në verën e 2015, duke sjellë histori dhe lajme nga media të ndryshme, me të cilat ka partneritet, ku janë CNN, The NewYork Times dhe BuzzFeed.
